Hopp til innhold
X
Innhald

Utvandringa frå Lærdal til Amerika

Dei første lærdølene som utvandra til Amerika var tre familiar i 1844: Henrik Jensen Klingenberg, Erdal, Knut Olson Aarethun og (truleg ) Knut Ingebrigtsen frå Vindedal.

Dei reiste med seglskipet «Juno» og slo seg ned i Midtvesten. Men den store utvandringsbylgja kom ikkje før i 1853. Fram til 1920 hadde 3000 personar vandra ut frå det som no er Lærdal kommune.

I Midtvesten budde lærdøler så tett at dei skipa sitt eige «Lærdalslag» i 1913. Laget talde over 60 medlemer, og samla inn pengar til reising av gamleheim i Lærdal. I Freeborn County i Minnesota ligg bygdelaget «Lerdal». Det var utflytte lærdøler som gav staden namn.

Småbyen Ortonville i Minnesota har også «Lærdals-røter»: - Knut Knutson Aaretun, son av den første lærdøl som utvandra, grunnla byen Ortonville (Aaretun vart omskrive til «Orton» på amerikansk) i 1879.

Hovudgata i Ortonville.

Hovudgata i Ortonville.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 13.05.2011