Frisleppet av heimebrenning i 1816 førde etter nokre år med seg enorm sosial naud og kriminalitet – også kringom på bygdene. Først i 1845 stramma styremaktene inn og fekk skjenkinga inn att i regulerte former på gjestgiveria.

Den nye fråhaldrørsla med Asbjørn Kloster i spissen mobiliserte mot brennevinsflaumen og den sosiale nauda den skapte, og haugianarane i Sunnfjord stod i brodden for fråhaldsrørsla i distriktet.

Eit av dei første lokale fråhaldslaga vart skipa i Vevring så tidleg som i 1854, og det var truleg haugianarane Anders Haave og særleg Mads Iver Wefring som stod i brodden for skiping av laget. Wefring var emmissær som utdanna seg til prest, og var også reisetalar for «Foreningen mod Brændevinsdrik».

Laget i Vevring fekk stor oppslutnad – 268 medlemer i 1868.

Les også om:

• Bryllupsaksjonistane i Naustdal
• Haugianarane i Vevring og Naustdal