Hopp til innhold
X
Innhald

Villa Jotunheimen

Villa Jotunheimen ved stranda på Bruhjell vart bygd i 1901 av landskapsmålar Håkon Kaulum (1863–1933) frå Bergen. Huset vart oppført i rundtømmer og drakestil, og fleire av vindauga var i gamaldags, grønt glas.

Kaulum eigde villaen til 1907, då han selde til Einar Gran. I 1913 kjøpte sjømannen Hans Johannessen huset og starta «Cafe Jotunheimen».

Vinteren 1928 vart huset råka av snøskred og totalt øydelagt (sjå Ulukker og naturskader i Balestrand).

I 1936 bygde Sverre Svensen og Ragnhild Svensen (1899–1984, fødd Hansen) frå Bergen hytte på tufta etter Villa Jotunheimen. Ragnhild Svensen var kunstmålar, og budde mykje i Balestrand, der ho var vennine med Helga Normann (sjå Emma Pastor Normann-huset).

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 27.11.2018