Hopp til innhold
X
Innhald

Kommunehistoria i Aurland

Kommunehuset på Aurlandsvangen. Foto: Merete Husmo Høidal, NRK.

Kommunehuset på Aurlandsvangen. Foto: Merete Husmo Høidal, NRK.

Sjølv om Aurland kommune er liten i folketal, har det ikkje mangla på lausrivingskrav fram gjennom tida: Det kunne vorte både ”Nærøyfjorden kommune” og ”Finse kommune” dersom styresmaktene hadde imøtekome lokale krav om kommunedeling.

I 1773 - 10 år etter at Bergenhus Amt vart delt i to (Nordre Bergenhus = Sogn og Fjordane fylke), vart Oppheim sokn (Sygnastrondi)) lagt til Voss, og dermed til Hordaland fylke. Seinare har det vore gjort mindre grensereguleringar mot Hol i Buskerud fylke. Den første ordføraren i Aurland kommune frå 1838 var presten Jonas Wessel Crøger.

Ordførar Olav Ellingsen syner fram litt av Aurland kommune frå utkikspunktet Stegastein. Foto: Anna Gytri, NRK.

Ordførar Olav Ellingsen syner fram litt av Aurland kommune frå utkikspunktet Stegastein. Foto: Anna Gytri, NRK.

Eigen kommune i Nærøyfjorden

I 1896 fekk folk i Nærøyfjorden avslag på å bli skilt ut som eigen kommune.

Aurlandsvangen.

Aurlandsvangen.

Finse «fjellkommune»

I 1922 søkte folk tilknytte til Bergensbanen på fjellet om å få skipe sitt eige «Finse herad». Dei fekk avslag!

Høgast folketal i 1845

Aurland kommune hadde sitt høgste folketal i 1845 (2.811 innb.) – før den store utvandringa til Amerika starta.

Kommunegrenser

I dag grensar Aurland kommune mot Lærdal i nordaust, Hol mot søraust, Ullensvang og Voss mot sør-sørvest og Vik mot vest.

Rådhus

Kommunekontora på Vangen heldt heilt fram til 1958 til i eit bygg som stod der forretninga til O. Skjerdal seinare vart bygd. I 1958 vart ”Heradshuset” aust for kyrkja bygd, og i 1991 vart det nye rådhuset rett sør for kyrkja teke i bruk. Det gamle Heradshuset vart omgjort til kulturhus med kunstgalleri, eit lite Sivle-muséum og ulike andre aktivitetsrom.

Kommunegrensa på fjellvegen mellom Aurland og Lærdal. Foto: Kjell Arvid Stølen, NRK.

Kommunegrensa på fjellvegen mellom Aurland og Lærdal. Foto: Kjell Arvid Stølen, NRK.

Ordførarar i Aurland kommune

Andre historiesider:

*Historia i Aurland *Krigshistoria i Aurland

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 07.06.2011