Hopp til innhold
X
Innhald

Aurlandske Compagnie

På Fetane er det i dag skule og idrettsanlegg. Tidlegare var dette eksersisplassen til Aurlandske Compagnie. Foto: Lars Lie.

På Fetane er det i dag skule og idrettsanlegg. Tidlegare var dette eksersisplassen til Aurlandske Compagnie. Foto: Lars Lie.

Aurlandsvangen var eksersisplass for Aurlandske Compagnie på 1600– og 1700–talet, og fleire offiserar budde fast i bygda.

Den mest kjende offiseren var oberst Jakob Gerhard Meidell sr., kompanisjef frå 1718. Han budde på Vinjum, men flytta seinare til Vangen – sjå Aabelheim.

Sonen Jakob Gerhard Meidell jr. overtok som kompanisjef etter faren, men flytta seinare til Flesje i Balestrand - sjå: Fute- og offisersgarden Flesje. Etter han tok kaptein Mathias Juell (1725-1814) over som kompanisjef fram til 1786.

Ved Vangen kyrkje

Den første eksersisplassen i Aurland låg ved Vangen kyrkje. Seinare flytta ein til Fetane og Lundane. Eit telthus – militært lager – stod ved kyrkjegardsmuren på Vangen. Når dei militære gjekk til kyrkje, kom dei alltid marsjerande som tropp med kompanisjefen i spissen. Soldatane gjekk inn den høge porten på sørsida av skipet i den gamle middelalderkyrkja.

Også i Gudvangen

var det eksersisplass ei tid, og på gjestgjevarstaden Arnehus ( sjå dette) på vestida av Nærøyfjorden budde det ein tid ein kapteinløytnent med det utanlandsklingande namnet Bachley de Tolly. Eksersisplassen i Aurland vart lagd ned kring 1800, då Lærdal, Voss og Vik styrkte sin posisjon som eksersisplassar.

Sjå også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 07.06.2011