Hopp til innhold
X
Innhald

Buklanding på Dale

Den 6. februar 1944 måtte eit tysk Focke-Wulf-fly naudlande på Dale i Høyanger. Flyet var med i ei gruppe som skulle flyttast frå flyplassen Herdla ved Bergen til Gossen i Romsdal då flya kom inn i tett snøkave. Dei kom ut av kurs og gjekk tome for bensin.

Flyet styrte inn Høyangsfjorden, og enda ferda på Dale etter å ha berga seg unna ei kraftline og «hoppa» over eit steingjerde. Flygaren berga seg uskadd. Eit anna fly i gruppa styrta i Geitebotnsfjellet i Gautingsdalen, og flygaren vart drepen.

Les meir om krigshistoria i Høyanger

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 22.04.2008