Hopp til innhold
X
Innhald

Fylkesbaaten «Gula» vart bomba

Den 14. november 1944 vart Fylkesbaatane sitt skip D/S «Gula» bomba av 20 allierte fly ved Dingja. «Gula» var då i rute frå Bergen til Sunnfjord. Ombord var 30 passasjerar – halvparten born som skulle evakuerast frå Bergen og var på veg til «fosterforeldre» i Sunnfjord.

Mellom passasjerane var også to tyske soldatar. «Gula» vart råka av fleire bomber og sett i brann. To menneske vart drepne og fem såra.

Dei skadde vart sende til Høyanger sjukehus. Skipet vart sett opp i fjæra ved nokre holmar like ved det tyske kystfortet på Riseneset (Fortet på Risenes), og mange ombord hoppa i sjøen for å berge seg. Soldatane på fortet tok del i redningsarbeidet. «Gula» gjekk seinare til Bergen for eiga maskin, og vart reparert.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 03.11.2011