Hopp til innhold
X
Innhald

Krigshistoria i Førde

Kapteinsgarden på Skei. Foto: Arild Nybø, NRK.

Kapteinsgarden på Skei. Foto: Arild Nybø, NRK.

Frå 1727 til kring 1860 var Toene ved Førde kyrkje eksersisplass for «Førdeske Compagni». På plassen var det reist eit telthus – lagerhus – og kommandanten budde i tunet på Skei som seinare har vorte kalla «Kapteinsgarden».(Sjå «Kapteinsgarden» under: Prestegarden på Skei.)

Martin Schei frå Førde verva seg til dei internasjonale sosialistbrigadane som kjempa mot general Franco og hans fascistar under den spanske borgarkrigen på 1930-talet. Schei fall i 1937.

Andre verdskrig i Førde

Førde var eit sentralt kommandopunkt for dei tyske styrkane i Sogn og Fjordane under 2. verdskrig. Fleire stader i Førde vart det bygd militærleirar, og russiske krigfangar vart nytta ved byggginga av kommandosentralen inne i Hafstadfjellet.

Kvardagsbilete frå Førde i 1941. Bussen til Firda Billag går på knott, brennomnen er montert på ein liten tilhengar, og bussen har med seg fleire sekkar med brensel. Foto utlånt av Firda Sjåførforening.

Kvardagsbilete frå Førde i 1941. Bussen til Firda Billag går på knott, brennomnen er montert på ein liten tilhengar, og bussen har med seg fleire sekkar med brensel. Foto utlånt av Firda Sjåførforening.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 01.12.2010