Hopp til innhold
X
Innhald

Kvikne's Hotel som krigshovudkvarter

Kvikne´s Hotel var norsk hovudkvarter i 1940. Foto: Kjell Arvid Stølen, NRK.

Kvikne´s Hotel var norsk hovudkvarter i 1940. Foto: Kjell Arvid Stølen, NRK.

Dei norske styrkane heldt seg i Balestrand i om lag tre veker. I slutten av april søkte norske soldatar som var på flukt frå kampane kring Voss og i Valdres til Balestrand, der dei hadde eit kort opphald på Kvikne's hotell.

Den 1. mai deltok to norske sjøfly som var stasjonerte i Balestrand i åtaket på mineleggjarane «Uller» og «Tyr» ved Losna. Dei to norske krigsskipa var erobra av tyskarane. «Uller» vart skadd og sett i land (sjå Invasjon og vaktpostar i Solund).

Same dag kapitulerte styrkane i Sør-Noreg, og Sjøforsvarsavsnitt Sognefjord med hovudkvarter på Kvikne's Hotell vart oppløyst.

Hotellvertinna sa «nei»

Balestrand såg lite til okkupasjonmakta det første krigsåret. Men ein dag i juni 1941 sette eit tysk skip i land store styrkar - utstyrte som om dei hadde tenkt å bli verande ei tid. Men av ukjend grunn vart både troppar og utstyr i all hast skipa ombord att, og skipet reiste.

Same året baud tyskarane seg til å kjøpe Kvikne's Hotel, men Marta Kvikne nekta å gje hotellet frå seg.

Les også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 29.07.2011