Hopp til innhold
X
Innhald

A/S Eids Elektro-Mekaniske Verksted

A/S Eids Elektro-Mekaniske Verksted vart starta av svensken Lundberg ca. 1915. Lundberg kom til Eid for å montere det første kraftverket i Kviefossen i Eidselva i 1915, og starta deretter ein liten fabrikk for produksjon av elektriske varmeomnar og steikeomnar.

Fabrikken gjekk konkurs og vart avvikla i nedgangstidene på 1920-talet. Elles i fylket var det på same tid små fabrikkar for elektriske artiklar både i Måløy, Sandane og Dale i Sunnfjord - sjå Vågsøy, Gloppen og Fjaler kommunar.

Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 12.02.2010