Hopp til innhold
X
Innhald

Fjordhesten og Nordfjordeid

Frå hesteutstillinga i 2007. Foto: Ottar Starheim, NRK.

Frå hesteutstillinga i 2007. Foto: Ottar Starheim, NRK.

Kvart år, den første helga i mai, er det statsutstilling for fjordhest i Øyane på Nordfjordeid. Statsutstillinga vert rekna som det årlege høgdepunktet for fjordhestfolket, og hit kjem oppkjøparar frå heile Skandinavia, Mellom-Europa og Amerika.

Den første kjende hingsteutstillinga i Nordfjord var i Hornindal i 1866. Her vart det halde fem utstillingar, den siste i 1884.

Frå 1886 vart utstillinga flytta til Nordfjordeid, der den har vore sidan. Frå 1900 og fram til 1. verdskrig vart det skipa hesteavlslag i dei fleste bygder i Nordfjord. Fram til 1945 var det hingsteutstillingar i Molde, Nordfjordeid, Bergen og Stavanger. Etter den tid vart Statens hingsteutstilling for fjordhest samla på Nordfjordeid.

Ivar O. Seljeset med hingsten Siljar på fjordhestutstillinga i 1926. Ukjend fotograf. © Fylkesarkivet.

Ivar O. Seljeset med hingsten Siljar på fjordhestutstillinga i 1926. Ukjend fotograf. © Fylkesarkivet.

Etter fjordhestens «rennessanse» på 1980-talet, har statsutstillingane på Nordfjordeid samla kring 5000 menneske. Ved utstillingsplassen i Øyane er det bygd stallar og reist eit momument over fjordhesten, laga av Skule Waksvik.

Lang tradisjon

I Eid har det vore lang tradisjon med hestehandel: Kjende hestehandlarar var brørne Anders Lefdal og Simon Lefdal, Olav Lefdal, Rasmus Vedvik og Alf og Ragnvald Humborstad (sjå Anders O. Lefdal - hestehandlar).

Dommarane diskuterer ein av hingstane på utstillinga i 2007. Foto: Ottar Starheim, NRK.

Dommarane diskuterer ein av hingstane på utstillinga i 2007. Foto: Ottar Starheim, NRK.

Sjå også: Historia om hesteavlen i Sogn og Fjordane

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 14.02.2011