Hopp til innhold
X
Innhald

Forliset med emigrantskipet «Norge»

Ei av dei største sjøulukkene i nordisk historie bar til 28. juni 1904, då det danske utvandrarskipet D/S «Norge» forliste ved sjøklippa Rock All i Atlanterhavet og 635 menneske omkom.

220 nordmenn omkom i forliset. Åtte av desse kom frå Sogn og Fjordane, og fem av desse igjen var foreldre og sysken frå garden Tømmerstøl i den vesle grenda Reksnes i Kjølsdalen skulekrins.

Frakta utvandrarar

Det kombinerte laste- og passasjerskipet D/S «Norge» var på 3.700 dw-tonn og bygd i Glasgow i 1881. I 1889 vart det kjøpt av eit dansk reiarlag og sett inn i utvandrartrafikken mellom Skandinavia og New York.

727 passasjerar

Den 25. juni la D/S «Norge» ut frå Kristiansand etter å ha teke opp passasjerar m.a. i Oslo. Det hadde då eit mannskap på 68 og tilsaman 727 passasjerar ombord - av desse 284 nordmenn, 259 russarar og finnar, 103 svenskar, 72 danskar, 5 amerikanarar, 2 engelskmenn og 2 tyskarar.

Ville vise sjøklippe

Kapteinen ville vise passasjerane den steile sjøklippa Rock All, men navigerte feil. Om morgonen den 28. juni gjekk D/S «Norge» på St. Helen-revet like ved fjellklippa Rock All, og 635 menneske omkom.

Omkomne frå Eid kommune:

  • Gardbrukar Mikkel Pedersen Tømmerstøl fødd 1846 Kjølsdalen
  • ektemaken Anna Tømmerstøl fødd 1843
  • dottera Rasmine Tømmerstøl fødd 1889
  • dottera Anna Martine Tømmerstøl fødd 1886
  • dottera Martha Petra
  • tenestejente Josefine Karoline Jørgensdotter Humborstad fødd 1889, Kjølsdalen.

Omkomne frå Bremanger kommune:

  • Sjømann Mathias Severin Thuesen Vingen (Kalvaag) fødd 1875 Kalvåg
  • ektemaken Martha Petra Mikkelsdotter Thuesen fødd 1879, f. Tømmerstøl,
otter til Mikkel og Anna Tømmerstøl - sjå under Eid ovanfor.

Omkomne frå Luster kommune:

  • Gardbrukardotter Johanne Arnesdotter Kjos fødd 1884, Hafslo.

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 03.11.2008