Hopp til innhold
X
Innhald

G. Kragseths Handelsskole

G. Kragseths Handelsskole vart skipa i 1932 av Georg Kragseth som dreiv skulen som privatskule i eigne lokale på Mel fram til 1966.

Kragseth var gift med ei kvinne frå Måløy, og i eit års tid før han starta på Nordfjordeid dreiv han ein handelsskule i Måløy. Denne skulen heldt til i eit lite hjørnerom på ca. 30 kvm. i Måløy Meieri sin forretningsgard ved Gate 1 på Midtgård.

I 1966 tok Eid kommune over drifta av G. Kragseths Handelsskole under namnet Eid Handelsskule. Skulen dreiv både halv- og heilsårskurs og hadde opptil 150 elevar i året.

Handelsskulen vart i 1978 slegen saman med Eids Gymnas (sjå Eids gymnas, to-årig) til Eid vidaregåande skule.

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 06.05.2008