Hopp til innhold
X
Innhald

Johan H. Kjøllesdal

Rasmus J. Sundal bygde dette huset i 1950, og det var i bruk til landhandel til kring 1980. Foto: Ottar Starheim, NRK.

Rasmus J. Sundal bygde dette huset i 1950, og det var i bruk til landhandel til kring 1980. Foto: Ottar Starheim, NRK.

Johan H. Kjøllesdal starta kring 1890 landhandel og bakeri i Kjølsdalen. Han bygde tøystampe, kvern og sag ved elva, og dreiv også sjøbu i Måløy.

Enkja Søgni tok over då Johan døydde 47 år gamal. Ho var i tillegg jordmor i Davik kommune. Sonen Hilmar tok seinare over butikken, bygde kai og vart dampskipsekspeditør. Han var også postopnar.

I 1911 leigde dei ut butikken til Hans B. Thune. I 1922 tok ektemaken til Hilmar si syster, Rasmus J. Sundal, over landhandelen. Sundal køyrde drosje i tillegg, og bygde ny forretning på 1950-talet. Butikken vart lagt ned kring 1980.

Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 21.01.2011