Hopp til innhold
X
Innhald

Kjende personar i Eid fødde år 1800-1850

På heimstaden Nordfjordeid er det reist eit minnesmerke over Sophus Lie, laga av kunstnaren Elisabeth Steen. Foto: Ottar Starheim, NRK.

På heimstaden Nordfjordeid er det reist eit minnesmerke over Sophus Lie, laga av kunstnaren Elisabeth Steen. Foto: Ottar Starheim, NRK.

Omtalane er ordna etter fødselsår:

Tollef Olsson Røed

(1804–1896) frå Stårheim. Bonde på Indre Røed, og lærar. Ordførar i tre år og kommunestyremedlem i 21 år. Vararepresentant på Stortinget for Nordre Bergenhus amt 1845.

Ulrik Bugge

(1806-1878) frå Drøbak, busett på Nordfjordeid. Prest og politikar.

Nils Nilson Dahl

(1806-1854) frå Tresfjord i Romsdal, busett på Nordfjordeid. Prest og politikar.

Erik M. Løken. (Foto etter samlinga til Arne O. Tonning ©)

Erik M. Løken. (Foto etter samlinga til Arne O. Tonning ©)

Ola Olson Hjelle

(1813–1898) frå Hjelle. Bonde og bygdekunstnar.

Erik M. Løken

(1820-1871), frå Løken. Bonde og lensmann. Han var ordførar og bankdirektør i sparebanken, men største innsatsen gjorde han som stortingsmann i ein periode på 20 år midt på 1800-talet - sjå: Stortingsrepresentantar frå Eid.

Anders Larsson Ous.

Anders Larsson Ous.

Anders Larsson Ous

(1828–1902) frå Nordfjordeid. Offiser, lensmann og politikar. Lensmann i Eid 1881-1890. Kjøpte gard på Løken. Ous var ordførar og vararepr. på Stortinget 1862-1863 og 1880-1882.

Ole Jørgensen Richter

(1829-1888). Sorenskrivar i Nordfjord 1872-76. Var statsminister i Stockholm 1884. Tok seg sjølv av dage 1888, og vart med dette modell for Bjørnstjerne Bjørnson sitt drama ”Paul Lange og Tora Parsberg”.

Hans Holmøy

(1831-1910), starta i 1858 landets første snikkarskule for gutar.

Sophus Lie.

Sophus Lie.

Sophus Lie

(1842-1899), fødd på Nordfjordeid. Professor i matematikk.

Reinhardt Jørgenson Steen

(1842-1920) fødd i Eid. Lensmann i Askvoll frå 1873, og bonde på Røyset frå 1871. Hadde ei rad kommunale og fylkeskommunale verv. Tildelt Borgardådsmedaljen.

Mons Elias M. Bjørlo

(1842–1928) frå Nordfjordeid. Lærar og Venstre-politikar. Møtte for Søndre Trondhjems Amt på Stortinget 1880-1888 og 1892-1897.

Rasmus D. Halvorsen

(1846-1932), fødd på Tippa. Dreiv stort som handelsmann, dampskipsekspeditør, postopnar og telefonstasjonshaldar i Stårheimsvik og i Vågsvåg frå 1880-talet.

Vilhelm Yri

(1846-1917) frå Olden. Hotelleigar. Sjå Vilhelm Yri under Stryn kommune.

Othto Albert Blehr

(1847-1927), jurist, Venstre-politikar og statsminister. (Sjå Othto Albert Blehr, Lærdal kommune).

Ole Hansen Lund

(1848–1937) frå Stårheim. Fylkesgartnar og bonde.

Martinus Olson Syltevik

(1849–1940) frå Geiranger. Lærar og redaktør i Eid. Redigerte Fjordabladet i åtte år, og var vararepr. for Moderate Venstre på Stortinget 1892-1894. Flytta seinare til Ålesund, der han vart varaordførar.

Hans Dahl

(1849-1937) frå Granvin, busett m.a. i Berlin og Balestrand. Slekta stammar frå Naustdal i Eid kommune i Nordfjord. Kunstmålar, kunstprofessor og «keisarven». Les meir om Hans Dahl under Balestrand kommune.

Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 28.01.2011