Hopp til innhold
X
Innhald

Magnus Rindal

Foto: Halvard Dyb, NOVA © 2001.

Foto: Halvard Dyb, NOVA © 2001.

Magnus Rindal fødd 1942 på Leivdal i Eid. Professor og direktør i Norsk institutt for forskning om oppvekst, velferd og aldring (NOVA).

Vert rekna som ein av dei fremste forskarar og formidlarar av norrønt språk og nordisk mellomalderkultur. Fekk i 1998 Universitetet i Oslo sin pris for god forskingsformidling.

Etter å ha arbeidd i 20 år ved Universitetet i Bergen vart han i 1989 professor ved Institutt for nordistikk og litteraturvitskap ved Universitetet i Oslo. I 2000 tilsett som direktør i NOVA. Rindal har vore dekanus og medlem av kollegiet ved UiB, medlem av kollegiet ved UiO og områdestyreleiar i Norges Forskningråd. Han er leiar i Norgesnettrådet.

Rindal har publisert ein mengd artiklar og bøker, m.a. «Fra hedendom til kristendom» (1996), «Selja - heilag stad i 100 år» (1997, og «Heilage stader i Norge» (2001) saman med Gro Steinsland.

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 28.01.2011