Hopp til innhold
X
Innhald

North Cape Minerals

Gruveinngangen til North Cape Minerals i Lefdal. Foto: Asgeir Reksnes, NRK.

Gruveinngangen til North Cape Minerals i Lefdal. Foto: Asgeir Reksnes, NRK.

North Cape Minerals er eit gruveselskap med hovudkvarter i Bærum som driv utvinning av olivinstein frå gruvene i Lefdal, og med knuseverk og utskipingskai på Kalneset ved Bryggja.

North Cape Minerals er 84 % amerikansk eigd, og selskapet driv elles gruver i Alta (nefelinsyenitt), Lillesand (kvarts og feltspat) og i Foshamar i Sverige (feltspat).

I 2001 overtok dette selskapet 49 prosent av aksjane i det statseigde A/S Olivin på Åheim. Olivingruva i Lefdal vart starta i 1971 av den Oslo-eigde bedrifta Norddal Olivin AS. Bak dette selskapet stod Oslo-firmaet Bjørum & Bjølgerud.

I 1987 overtok Frantzefoss Bruk gruvene i Lefdal og utskipingsanlegget på Kalneset, og sidan 1995 er det North Cape Minerals som har eigd gruva og anlegga i Nordfjord.

I 2009 vedtok bedriftsforsamlinga i North Cape Minerals å stanse drifta i gruvene i Lefdal i fem år. Dei 23 tilsette vart då ståande utan arbeid.

I 2010 skifta North Cape Minerals namn til Sibelco Nordic AS.

Utskipingsanlegget på Kalneset ved Bryggja. Foto: Ottar Starheim, NRK.

Utskipingsanlegget på Kalneset ved Bryggja. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 02.11.2011