Hopp til innhold
X
Innhald

Prestekjolane frå Holmøyane

Ola Pederson Lindsem var ein skjåkværing som slo seg til i på Skådiøyra i Innvik i 1764.

Det vert fortalt at då han og kona gjekk vestover over Jostedalsbreen, bar han den tre år gamle guten sin i ei kornhit på ryggen. Ola var såkalla «finskreddar», og då sonen Per Olson Lindsem bygsla seg ein plass og slo seg til i Holmøyvik noko seinare, tok han opp skreddaryrket etter faren. Dei reiste rundt på gardane, tok mål av folk og sauma ferdige kleda før dei drog vidare til neste gard i same ærend.

Både far og son vart «hoffskreddar» for prestane i Nordfjord når dei skulle ha seg ny prestekjole.

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 24.11.2008