Hopp til innhold
X
Innhald

R.L. Bergset AS

R. L. Bergset si forretning. Huset er bygt i 1911. Foto: Ottar Starheim, NRK.

R. L. Bergset si forretning. Huset er bygt i 1911. Foto: Ottar Starheim, NRK.

Ragnvald Bergset (1899–1980) grunnla i 1925 saman med broren Olav bedrifta Brødrene Bergset på Nordfjordeid.

Forretninga har sidan starten halde til i huset som Lars Bergset, faren til dei to brørne, bygde i 1911. Han dreiv som militærskreddar på Nordfjordeid. I dette huset var det både kafé og offisersmesse, og her starta Rasmus Sunde (sjå Forretningsfamilien Sunde) manufakturforretning i 1917 og dreiv der til han bygde eige bygg i 1924. Då Sunde flytta ut, starta brørne Ragnvald og Olaf Bergset manufaktur- og skoforretning sjølve.

Ragnvald Bergset overtok etter nokre år forretninga åleine under firmanamn R.L. Bergset AS. Sonen Lidvard Bergset tok over forretninga i 1974. Forretninglokala vart mykje utvida med påbygg i 1960, 1984 og 1992. Frå 1976 har Bergset drive eiga forretning med barne- og ungdomskle i leigde lokale i nabobygga. I 1992 kjøpte Bergset bygget på nabotomta frå Arild Bjørlo og nytta det til utviding av forretninga.

I 2012 vart huset rive for å gje plass til eit bustadkompleks.

Bergsethuset vert rive i april 2012. Foto: Harald Kolseth, NRK.

Bergsethuset vert rive i april 2012. Foto: Harald Kolseth, NRK.

Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 18.04.2012