Hopp til innhold
X
Innhald

Tunolds Bakeri AS

Tunolds Bakeri. Foto: Ottar Starheim, NRK.

Tunolds Bakeri. Foto: Ottar Starheim, NRK.

Tunolds Bakeri AS på Nordfjordeid vart skipa i 1986 av Leif Petter Tunold frå Bryggja. Verksemda er det største bakeriet i Nordfjord og hadde leveransar til store delar av Sunnmøre og Sunnfjord i tillegg til Nordfjord.

I 2001 hadde Tunold 35 tilsette og ei omsetning på 28 millionar kroner. I 2002 overtok Tunold LeFi Bakst (sjå Vassenden Dampbakeri) i Jølster, og la like etter ned avdelinga som dette bakeriet dreiv i Sogndal. I 2002 gjekk Tunold også inn i Bakehuset Norge som tel 10 bakeri kringom i i Noreg og fekk då namnet Bakehuset Tunold.

I 2002 hadde Tunold 60 tilsette ved bakeria sine og ei omsetning på 85 millionar kroner. Hausten 2003 gjekk Bakehuset Norge inn i Orkla-eigde «Bakers».

I 2004 vart avdelinga i Jølster lagd ned, og produksjonen vart flytta til Nordfjordeid.

Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 24.01.2011