av sand
Sandane.
Sandane er ein tettstad i Gloppen kommune i Vestland. Tettstaden er ifølgje SSBs definisjon 2,4 km², og har 2520 innbyggjarar (2023).
Sandane er administrasjonssenter i Gloppen kommune. Sandane ligg ved botnen av Gloppenfjorden, som er ein 12 kilometer lang søraustgåande arm av Nordfjorden.
I Sandane ligg noko industri, mellom anna trevare- og møbelindustri. Tettstaden er dessutan eit handels- og skulesenter. Sandane er sete for Sogn og Fjordane Energi.
Firda Tidend kjem ut i Sandane. Her ligg òg Nordfjord Folkemuseum. Det er kortbaneflyplass på Anda nordvest for tettstaden på Sandane lufthamn. Det er noko turisttrafikk.
Namnet er bestemt form fleirtal av 'sand'. Elva gjer ein stor sving rundt bygda, og området innanfor blir liggjande som ei øy av sandavsetningar.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.