Hopp til innhold
X
Innhald

Husbrenning som smittevern

Foto: ScanStockPhoto

Foto: ScanStockPhoto

I kampen mot tuberkulosen var eit mykje brukt råd å desinfisere husa der sjuke hadde hatt opphald ved såkalla «røyking».

Metoden var å røykleggje romma i huset, og fylket dekte løna til desinfektørar som reiste rundt og «røykte».

Men det var andre som gjekk meir drastisk til verks: I 1912 fekk fylkestinget ein søknad frå ein mann i Selje som ville brenne ned eit smitta hus. Seinare fekk fylket ein liknande søknad frå Gaular i Sunnfjord.

Det vart kvass debatt i fylkestinget om ein skulle gje tilskot til slik nedbrenning, men etter råd frå ein lege, fekk mannen i Selje 445 kroner i erstatning for det nedbrende huset.

Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 20.03.2009