Hopp til innhold
X
Innhald

Johan Daniel Stub Landmark

Johan Daniel Stub Landmark (1820–1882). Prest i Selje frå 1875 til 1882. Han stamma frå den kjende Landmark-slekta på Storgarden Tysse i Fjaler kommune.

Før han kom til Selje som sokneprest, hadde Landmark vore sokneprest i Vardø, residerande kapellan i Førde og sokneprest i Beitstad.

Han gav ut fleire lærebøker, m.a. ”ABC med Billeder” i 1847, ei av dei første lærebøker av dette slaget i landet.

Landmarken var den første som starta skogplanting i Selje. På Eirsholmen ved Selje planta han ut fure, lerk, gran og fleire lauvtresortar i 1876. Skogselskapet har reist ein minnestein for Landmark på øya.

Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 09.02.2010