Hopp til innhold
X
Innhald

Ola Sølvberg

Selje ca.1930. Nabben til venstre i biletet. Postkort, ukjend fotograf.

Selje ca.1930. Nabben til venstre i biletet. Postkort, ukjend fotograf.

Ola Sølvberg starta landhandel på Nabben i Selje kring 1. verdskrig. Dottera Anna Sølvberg gifta seg med presten Olaf Roset. Dette paret overtok Sølvberg-butikken og dreiv den til ut på 1960-talet. I tillegg var Olaf Roset vikarlærar i kommunen.

Før det vart vanleg med mjølkeruter, var det denne butikken som tok imot gardssmør frå produsentane ute i øyane og på strendene. Rommet som vart nytta til innveging av smøret, vart kalla ”smørstova”.

Olaf Roset dreiv i tillegg eit taremottak i ”Rosetbuda” på vestsida av Prestevågen.

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 08.02.2010