Hopp til innhold
X
Innhald

Per Stave A/S

Per Stave A/S. Foto: Ottar Starheim, NRK.

Per Stave A/S. Foto: Ottar Starheim, NRK.

Per Stave A/S på Stadlandet er den største fiskeforedlingsverksemda i Selje kommune ved sida av Domstein-konsernet sitt anlegg i Moldefjorden.

Per Stave starta verksemd i 1975 i ei sjøbu på 200 kvadratmeter. I dag tel anlegget 3500 kvadratmeter golvflate. Hovudproduktet er tørrfisk, i hovudsak lange som går til Sverige og Finland som råstoff for lutefisk. Per Stave A/S produserer også lutefisk sjølve for den norske marknaden.

I 1995 overtok sonen Rune Stave drifta.

I 1999 bygde Stave nytt og stort tørkeri, og i 2006 vart det reist eit nybygg på 1000 kvadratmeter. Anlegget har 500 kvadratmeter kjølerom og 500 kvadratmeter fryserom. Verksemda har11 tilsette og hadde i 2007 ei omsetning på 31 millionar kroner.

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 04.01.2010