Hopp til innhold
X
Innhald

Seljekyrkja flytta til fastlandet

Teikning av den gamle kyrkja i Selje.

Teikning av den gamle kyrkja i Selje.

Den fyrste soknekyrkja i Selje låg på Selje kloster, men vart seinare flytta til Bø på austsida av Selja.

Dette kan ha skjedd i samband med at Sunnivakyrkja ved hellaren på Selje kloster vart bygd ein gong etter 1068. Kyrkja på Bø var mest sannsynleg ei stavkyrkje.

På 1500-talet vart det bygd ei ny kyrkje i lafta tømmer på Bø. Preikestolen der var frå 1592 og altartavla frå 1600, og både preikestol og tavle vart flytta over til Leikanger kyrkje noko seinare.

I 1654 vart Bø-kyrkja riven og tømmeret frakta over til fastlandet, der kyrkja vart sett opp på garden Hove. I 1675 vart kyrkja ombygd og fekk omlag same utsjånad som gamlekyrkja frå 1692 på Gimmestad i Gloppen, som framleis står.

Kjelder

Kjeldeliste til Fylkesleksikon for Sogn og Fjordane 


Artikkelen er basert på NRKs Fylkesleksikon for Sogn og Fjordane (2001–2014)
Publisert digitalt etter avtale med NRK 2014


Sist oppdatert: 24.03.2010