Hopp til innhold
X
Innhald

Krigshistoria i Hyllestad

I Hyllestad var det stasjonert 600 tyske soldatar under andre verdskrigen, dei fleste på Nesje fort. Her er nokre av dei fotograferte. Mange av dei var svært unge, berre i 18-årsalderen. Foto: B. Schaller. Frå boka Fronten er kysten!

I Hyllestad var det stasjonert 600 tyske soldatar under andre verdskrigen, dei fleste på Nesje fort. Her er nokre av dei fotograferte. Mange av dei var svært unge, berre i 18-årsalderen. Foto: B. Schaller. Frå boka Fronten er kysten!

Vete på Hatløyna

Under den store nordiske krigen i 1707 vart det reist ein vete på Hatløyna. Denne gjekk inn i det militære varslingssystemet langs norskekysten. Øya vert til vanleg kalla Sakrisøyna etter gjestgjevaren i Korssund (sjå Fjaler kommune), Sakarias Mikalson Beck, som på 1600-talet eigde øya og nytta den til beite.

Eksersisplassen i Leirvik

Frå tidleg 1700-tal var det ekserserplass på Utstillingsplassen ved Bøaelva i Leirvik (sjå Offisersgarden i Leirvik). Den meste kjende offisersfamilien var Holck-slekta, som kom til Leirvik i 1745, der Ole von Holck kjøpte gard. Fleire av Holck-ane var kommandantar for Vestre Ytre Sognske Kompani. Også andre gardar kring Leirvik vart kjøpte av offiserar som tenestegjorde der. Næraste eksersisplass låg på Dingemoen i Dale i Sunnfjord. Det var plasseringa av eksersisplassane i Leirvik og på Dingemoen som vart det avgjerande argumentet for at Den trondhjemske Postvei på slutten av 1700-talet vart bygd mellom Leirvik og Dale, og ikkje slik som tidlegare planlagt; mellom Vadheim, Sande og Førde. – Les meir om dette under Samferdsle.

Andre verdskrigen i Hyllestad

På det meste hadde dei tyske okkupasjonsstyrkane 600 soldatar i Hyllestad under andre verdskrigen.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 25.02.2011