Kyrkjer i Balestrand
St. Olafs kyrkje. Foto: Ottar Starheim, NRK.
Sæle kyrkje. Foto: Ottar Starheim, NRK.
Kvamsøy kyrkje
er bygd i stein ca. 1280-1300. Kyrkja ligg på den vesle Kvamsøya.
Sæle kyrkje
vart bygd i 1903. Arkitekt: H.J. Sparre. Byggmeister var den kjende kyrkjebyggjaren Anders Korsvold frå Eivindvik. Sæle-kyrkja har mange arkitektoniske likskapar med Christie-kyrkjene som vi m.a. finn i Holmedal og i fleire bygder i indre Sogn. Altartavla i Sæle kyrkje er frå 1935, måla av Ant. Gundrosen. Anna inventar og utstyr frå byggjeåret eller seinare. Denne kyrkja avløyste mellomalderkyrkja på Kvamsøy som soknekyrkje for vestre del av kommunen.
Kjærleikskyrkja i Balestrand
St. Olaf´s Church i Balestrand vart bygd i 1897. Også kalla «Engelsk-kyrkja». Kyrkja er bygd som etterlikning av ei stavkyrkje.
Tjugum kyrkje
vart bygd i 1863. Kyrkja har åttekanta skip. På Tjugum har det tidlegare stått ei kyrkje frå ca. 1300 til 1610, og deretter ei kyrkje frå 1610 til dagens kyrkje vart bygd i 1863.
Tjugum kyrkje. Foto: Kjell Arvid Stølen, NRK.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014.
I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og Fjordane. Dette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til den nye eigaren.
Les meir om overtakinga av Fylkesleksikon for Sogn og Fjordane.
Sist oppdatert: 29.07.2011