Samferdsle i Selje
Stadhalvøya frå lufta på ein dag med stille og klart ver. Til venstre ser vi Selje sentrum med Seljeøya, ytst til høgre ser vi Leikanger. Vi kan skimte vegen frå Selje til Sandvik tvers over halvøya litt under midten av biletet. Foto: Stig Silden.
Stadhavet er rekna som eit av dei mest vêrharde opne havstykka langs Norskekysten. Frå forhistorisk tid har seglande difor drege mindre båtar over land.
Vegar i Selje
Vegen over Dragseidet er ein av dei eldste offentlege vegane i Noreg.
Ferdsla på sjøen i Selje
Eide i Moldefjorden var den første stoppestaden for fylkesbåtrutene i Selje i 1862.
Post i Selje
Frå 1823 gjekk postruta Ålesund-Bergen over Mannseidet mellom garden Eide i Moldefjorden og til garden Einehaugen på Kjøde-sida. På Eide var det postopneri.
Telefon i Selje
Selje fekk rikstelefon i 1899.
Rutebilar
Johannes Ervik starta på 1930-talet passasjer- og postkøyring til bygdene på Ytre Stadlandet. Rutene hadde korrespondanse med rutebåtar på Leikanger (til Møre) og i Selje (Fylkesbaatane). Gullik M. Hoddevik tok seinare over i same ruta.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014.
I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og Fjordane. Dette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til den nye eigaren.
Les meir om overtakinga av Fylkesleksikon for Sogn og Fjordane.
Sist oppdatert: 04.07.2012