Hopp til innhold
X
Innhald

Feios kyrkje

Feios kyrkje. Foto: Ottar Starheim, NRK.

Feios kyrkje. Foto: Ottar Starheim, NRK.

Feios kyrkje vart bygd i 1866. Arkitekt var J.W. Nordan og byggmeister Johannes Arnesen Øvsthus. Altartavla frå 1883 måla av Christen Brun. Nattverdsutstyret er frå 1600-talet, og delar av minnetavle frå 1680 er tekne vare på. Øvrig inventar er frå byggjeåret eller seinare.

Stavkyrkje i Feios

Ei stavkyrkje frå 1200-talet vart riven for å gje plass til nyekyrkja i 1866. Ved Sogn Folkemuseum er messehakel frå mellomalderen teken vare på, og altar og eindel andre gjenstandar frå stavkyrkja er i Knut Rumohrs samlingar på Frønningen.

I 2011 vart bygningsmateriale og ei dør som truleg stammar frå stavkyrkja oppdaga i eit bustadhus på Berdal i Feios. M.a. vart det funne dekorasjonar i innertaket.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 26.05.2011