Hopp til innhold
X
Innhald

Guddal kyrkje

Guddal kyrkje. Foto: Ottar Starheim, NRK.

Guddal kyrkje. Foto: Ottar Starheim, NRK.

Guddal kyrkje vart bygd i 1870. Arkitekten er ukjend. Byggmeister var John Alver.

Altartavle er måla av Johannes Ludvig Losing, preikestol og døypefont frå byggjeåret. I kyrkja finst ein trearma lysestake frå 1720, to lysestakar truleg frå 1686, og dåpsfat frå 1787. Det øvrige inventaret er frå byggjeåret eller seinare. Utanfor kyrkja står tre steinkrossar frå mellomalderen.

Frå ei brurvigsle i Guddal kyrkje i 1957. Det er Oddlaug Holten Nøtsund og Asmund Lindelid som blir vigde. Foto: Karl Hatlebrekke. © Fylkesarkivet.

Frå ei brurvigsle i Guddal kyrkje i 1957. Det er Oddlaug Holten Nøtsund og Asmund Lindelid som blir vigde. Foto: Karl Hatlebrekke. © Fylkesarkivet.

Frå ei brurvigsle i Guddal kyrkje i 1957. Det er Oddlaug Holten Nøtsund og Asmund Lindelid som blir vigde. Foto: Karl Hatlebrekke. © Fylkesarkivet.

Frå ei brurvigsle i Guddal kyrkje i 1957. Det er Oddlaug Holten Nøtsund og Asmund Lindelid som blir vigde. Foto: Karl Hatlebrekke. © Fylkesarkivet.

Stavkyrkje til 1600-talet

I Guddalen stod det i mellomalderen ei stavkyrkje som truleg vart riven på 1600-talet. I 1686 vart det bygd ny kyrkje, og denne kyrkja vart «innkledd» i den noverande då denne vart bygd i 1870. M.a. skal det vere rosemåling på det gamle tømmeret som no er dekt med panel.

Kyrkjetømmeret flytta

Den kjende vandresegna om kyrkjetømmeret som vart flytta, finn vi også i Guddal: Her skulle ny kyrkje byggast på garden Guddal, men vart natta før byggearbeidet skulle starte, på uforklarleg vis flytta over til Engja, der kyrkja vart reist.

Steinkrossane ved kyrkjegardsmuren. Foto: Ottar Starheim, NRK.

Steinkrossane ved kyrkjegardsmuren. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 13.10.2010