Hopp til innhold
X
Innhald

Hyllestad kyrkje

Hyllestad kyrkje. Foto: Ottar Starheim, NRK.

Hyllestad kyrkje. Foto: Ottar Starheim, NRK.

Hyllestad kyrkje vart bygd i 1880. Arkitekt var H. Nissen og byggmeister John Alvær. Altartavla av Maren Sverdrup er frå 1902. Altarlysestakar er frå mellomalderen og døypefonten frå 1200-talet er av hoggen i kleberstein. Dåpsfatet er frå før 1700. Ei katekismetavle med bibeltekstar er frå 1600-talet. Anna inventar er frå byggjeåret eller seinare. Fram til Hyllestad vart eige prestegjeld og kommune i 1861, høyrde kyrkjene i Hyllestad og Øn under soknepresten i Askvoll.

Mellomalderkyrkje i Hyllestad

Den første kyrkja i Hyllestad låg truleg i utmarka på Breibøen, og er nemnd i 1322. Steintufta til ei seinare kyrkje som stod frå 1600-talet til 1880, kan ein framleis sjå om lag ein kilometer frå noverande kyrkje. På kyrkjegarden der finn ein fire steinkrossar frå tidleg mellomalder.

På likstrå i nisselue

Det var gamal skikk i bygdene i Hyllestad at menn vart kledde i raud "nisselue" når dei døydde og låg på likstrå. Huva vart på folkemunne kalla "raudhuve". Husmann Ole Rasmusson Sørefjorden skal vere den siste som vart gravlagd i raud nisselue då han døydde i 1894.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 01.11.2011