Hopp til innhold
X
Innhald

Kyrkjeasyl på Batalden

Batalden sett frå Kinnasund. Foto: Kjell Arvid Stølen, NRK.

Batalden sett frå Kinnasund. Foto: Kjell Arvid Stølen, NRK.

Batalden bedehuskapell vart bygt i 1907 og vigsla til kyrkjeleg bruk i 1911. Det var den allsidige forretningsmannen Andreas Gjertsen frå Salbu i Hyllestad som bygde bedehuskapellet på Batalden med sitt entreprenørfirma Gjertsen & Co.

På 1990-talet vart kapellet på Batalden fleire gonger brukt til kyrkjeasyl av flyktningar frå Bosnia og Kosovo. Under krigane på Balkan på 1990-talet var det mange flyktningar som rømde inn i kyrkjebygningar for å unngå å verte utviste frå Noreg. Der vart dei støtta og verna av kyrkjelyden. Sjølv om lova ikkje hindra det, kvidde norske styremakter seg for å tvinge seg inn i gudshus for å hente ut flyktningane som skulle utvisast.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 25.11.2009