Hopp til innhold
X
Innhald

Nordsida kyrkje

Nordsida kyrkje. Foto: Olav Jakob Tveit.

Nordsida kyrkje. Foto: Olav Jakob Tveit.

Nordsida kyrkje vart bygd i 1973. Arkitekt var Alf Apelseth frå Ørsta. Han teikna også Berle kapell i Bremanger og Kilsfjord kyrkje i Volda kommune. Byggmeistrar var Sandbakk og Beinnes, Stryn. Altartavle i material-teknikk er frå 1983 og teikna av Ingjerd Pettersen Hagh.

Honndalspresten styrer tre kyrkjer

Sidan 1967 har Nordsida i Stryn kommune – d.v.s. bygdene frå og med Hopland og Randabygda i vest til og med Blakset i aust, vorte styrde av presten i Hornindal. Men då sentraliseringsbylgjene slo over indre Nordfjord på 1960-talet, og det meste av Hornindal kommune vart innlemma i storkommunen Stryn, heldt det ei stund på å gå den motsette vegen: Wiig-komitéen, med biskop Alf Wiig i spissen, gjorde då framlegg om å leggje ned Hornindal som eige prestegjeld og innlemme det i Stryn prestegjeld. Men Bjørgvin-bispen Per Juvkam kom med ei anna løysing: I den nye storkommunen kom det til å verte i alt åtte sokn. - Del heller storkommunen Stryn i tre prestegjeld og la Nordsida høyre til soknepresten i Hornindal, sa Juvkam. Og slik vart det. Juvkam fekk brei lokal støtte for framlegget, men vilkåret som vart sett lokalt, var at det vart bygd ei eiga kyrkje på Nordsida i tillegg til kyrkja i Randabygda. Den nye Nordsida kyrkje på Fjelli vart vigsla i 1973, og både den og Randabygda kyrkje høyrer framleis under presten i Hornindal.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 12.01.2010