Hopp til innhold
X
Innhald

Øn kyrkje

Øn kyrkje. Foto: Ottar Starheim, NRK.

Øn kyrkje. Foto: Ottar Starheim, NRK.

Dagens kyrkje i Sørbøvåg vart bygd i 1958. Arkitekt var Ole Halvorsen og byggmeister Ivar Fleten. Altarkrusifikset og anna inventar i kyrkja er frå byggjeåret eller seinare. I 1940 brann gamlekyrkja frå 1870 ned til grunnen etter eit lynnedslag. Kyrkjesølv og anna utstyr som var teke vare på frå ei kyrkje frå 1640-talet, strauk då med. Kyrkja som brann, stod på Øn, nokre kilometer lengre aust. Men då ein bygde den nye kyrkja opp att like ved kaia i Sørbøvåg, fann ein ingen grunn til å endre namnet på kyrkja. Difor heiter den framleis Øn kyrkje, sjølv om den står eit stykka unna grenda Øn.

Altarskåpet frå ca. 1515 på Bergen Museum. Foto: Arild Nybø, NRK.

Altarskåpet frå ca. 1515 på Bergen Museum. Foto: Arild Nybø, NRK.

Eldre kyrkjer på Øn

Den eldste kyrkja som stod på Øn, er nemnd i 1327. Eit altarskåp frå ca. 1515 er teke vare på i Bergen Muséum. Kyrkja som vart bygd på Øn på 1600–talet er omtala som ei tømmerkyrkje der kyrkjeskipet målte 12 x 9 meter og koret 5 x 5,6 meter. Kyrkja hadde tårn, og vart noko endra innvendes kring 1705. I 1870 vart det bygt ny kyrkje på Øn. Ho var kvitmåla og nokså lik kyrkja på Bø, vert det sagt. Øn-kyrkja brann ned til grunnen på to timar då lynet slo ned i kyrkja på førejulsvinteren i 1940.

Frå 50-årsjubiléet til den gamle Øn kyrkje i 1920. Altartavla i denne kyrkja var måla av Jakob Salbu. Kyrkja brann ned i 1940. Ukjend fotograf. © Fylkesarkivet.

Frå 50-årsjubiléet til den gamle Øn kyrkje i 1920. Altartavla i denne kyrkja var måla av Jakob Salbu. Kyrkja brann ned i 1940. Ukjend fotograf. © Fylkesarkivet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 28.12.2010