Bygdevegane på Fastlandet
Osmundsvåg fekk vegsamband med omverda i 1968. Foto: Ottar Starheim, NRK.
Vegen i Rimstaddalen
ved Bryggja vart bygd som køyreveg kring 1890. Davik kommune hadde lite pengar, og oppsitjarane måtte sjølve forskottere det meste av vegen.
Fagerlid
er ein einbølt gard vest for Bryggja. Eigarane bygde sjølve køyreveg dit kring 1910, og denne vart utbetra og lagd om i 1968 av Vågsøy kommune.
Bygdevegen til Osmundsvåg
frå Deknepollen vart bygd i fleire etappar, men var ferdig heilt fram til Osmundsvåg i 1968.
Vegen Almenning-Vemmelsvik
vart opna fram til Vemmelsvik i 1975. Eit par-tre år tidlegare hadde Angelshaug, som ligg austafor Vemmelsvik, fått vegutløysing mot Almenning.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014.
I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og Fjordane. Dette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til den nye eigaren.
Les meir om overtakinga av Fylkesleksikon for Sogn og Fjordane.
Sist oppdatert: 24.01.2010