Hopp til innhold
X
Innhald

Ferjesamband frå Fjærland

Rutebåten Vetlefjord ved kai i Fjærland. Foto: Kjell Arvid Stølen, NRK.

Rutebåten Vetlefjord ved kai i Fjærland. Foto: Kjell Arvid Stølen, NRK.

Fjærland fekk ferjesamband med dåverande kommunesenter Balestrand i 1974.

Etter hard kappestrid med dei som arbeidde for at tverrsambandet i Sogn og Fjordane skulle gå via Høyanger, vart Fjærlandstunnelen (6.397 meter) opna i 1986. Samstundes vart det starta riksvegferje mellom Mundal i Fjærland og Hella på austsida av munningen til Fjærlandsfjorden.

Ferjestrekninga Fjærland–Hella var ein lekk i tverrsambandet gjennom fylket heilt fram til Frudalstunnelen og vegen gjennom Sogndalsdalen opna i 1994.

Då vart ferga til Fjærland lagt ned. Frå sommaren 1995 har Fylkesbaatane trafikkert Fjærland–Gudvangen med ei turistrute om sommaren. Den første båten som gjekk i ruta var katamaranen «Hyen», bygt ved Brødrene Aa i Hyen. Seinare kom båtane «Clipperfjord» og «Lykkeper» i turistruta fram til 2000, då Fylkesbaatane sett inn eigne ferjer i ruta.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 31.08.2011