Fiskeritelegrafen i Bremanger
Dette biletet er teke ca. 1880 i Kalvåg. Hamna er full av sildebåtar. På denne tida hadde Kalvåg alt nokre år vore knytt til den såkalla fiskeritelegrafen.
Kalvåg vart knytt til den såkalla «Fiskeritelegrafen» i 1864.
(sjå Fiskeritelegrafen varsla sild). Det var ei telegrafline som dei første åra berre var open i vårsild-tida om vinteren. Dei første åra vart telegrafen berre eit internt varslingssystem i fiskeværa kring Florø, men i 1866 vart det bygt telegrafline nordover frå Bergen som m.a. knytta Florø til landsnettet.
Men Kalvåg og Måløy måtte vente på landtilknyting til 1869, då det vart bygt telegrafline sørover frå Ålesund.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.
Sist oppdatert: 30.04.2010