Hopp til innhold
X
Innhald

Gryttenbåtane

Ein av båtane til Grytten-brørne - Førdefjord - legg til kai i Florø.

Ein av båtane til Grytten-brørne - Førdefjord - legg til kai i Florø.

I 1928 starta Anders og Johan Grytten frå Gryta ei lokalrute med motorbåt frå Redal til Florø. I 1932 starta Grytten-brørne også lokalrute frå Redalen til Førde.

I 1935 kjøpte dei motorbåten ”Vevringsfjord” med plass til 47 passasjerar. Frå 1940 vart ”Vevringsfjord” nytta av Fylkesbaatane som leigebåt. I 1953 kjøpte Grytten-brørne ein større båt som, dei kalla ”Førdefjord”. Denne båten gjekk i lokalrute på Førdefjorden fram til 1968.

Seinare dreiv gardbrukar og fjordfiskar Sigurd Skjærli i mange år mjølkerute og skyssfart til dei siste veglause gardane i indre Førdefjorden. Skjærli var elles kjend for at han dreiv torghandel med fersk fisk og krabbe i Førde sentrum.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 17.12.2009