Hopp til innhold
X
Innhald

Jernbanen i Aurland

Flåmsbana er einaste jernbanen i Sogn og Fjordane - trass i at ein kring 1. verdskrig planla jernbane-nett over heile fylket. Stortinget vedtok bygging av Flåmsbana i 1908, men den vart ikkje opna før i 1940.

Tannstangsbane Stalheim-Gudvangen

Den smalspora jernbanen Vossabanen opna i 1883, og førte til auka turisttrafikk over Gudvangen. Den aktive ingeniøren Jens Sigfred Hopstock søkte i 1895 saman med nokre engelskmenn om å få byggje privat jernbane Voss-Stalheim.

Bergensbanen (Oslo-Bergen)

Alt i 1875 gjekk den første norske jernbanekommisjonen inn for at jernbanen mellom Oslo (den gong Christiania) og Bergen skulle byggjast etter ei høgfjellsline Hallingdal-Voss. I 1884 vann «høgfjellsalternativet» Voss-Myrdal-Finse, og Bergensbanen vart opna i 1909.

Flåmsbana

Amtstinget reiste i 1904 krav om at det vart bygt sidespor frå Bergensbanen til Flåm. Stortinget gjorde vedtak om bygging i 1908, men først i 1940 vart Flåmsbana teken i bruk. Flåmsbana frå Flåm stasjon til Myrdal med stopp ved Kjosfossen er eit av Noregs fremste turistmål.

Jernbaneplanane i Sogn og Fjordane

Det var ei tid planar om å byggje jernbane mange stader i fylket.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 27.05.2008