Lokale rutebillag
Persontransporten til Loneland og Tuland var ikkje heilt på dagens standard i 1930. Ukjend fotograf, eigar Fylkesarkivet i Sogn og Fjordane.
Loneland og Tuland Billag
vart starta i 1930 av Anders Loneland og Hans Tuland.
Hans Hovlandsdal
dreiv lastebiltransport med ein liten Chevrolet lastebil i mellomkrigstida. I 1935 starta Jacob Fortun frå Dale og Johannes Flekke frå Flekke med vanleg drosjebilkøyring.
Dalsfjord og Ytre Sogn Billag
vart skipa av Fylkesbaatane i 1938. Laget hadde bilruter i Lavik, Hyllestad og Fjaler, og gjekk inn i Firda Billag i 1946. Då disponerte det lokale selskapet fem bussar og ein garasje i Dale. Firda Billag starta i 1989 ei kombinert passasjer- og lasterute Dale-Bergen tre gonger i veka. Den kom som erstatning då båtrutesambandet Bergen-Dalsfjorden vart lagd ned.
Firda Billag
- sjå Dalsfjord og Ytre Sogn Billag. Les meir om Firda Billag under Førde kommune.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.
Sist oppdatert: 08.10.2010