Loneland og Tuland Billag
vart starta i 1930 av Anders Loneland, Hans Tuland og Hans L. Hovlandsdal.
I 1928 hadde Anders Loneland kjøpt den første bilen til Fjaler – ein liten Chevrolet lastebil. Året etter kjøpte Hans Tuland ein Ford lastebil, og same biltypen skaffa Hans L. Hovlandsdal seg litt seinare. Det lokale rutebillaget dreiv gods- og passasjertransport på vegane mellom Dale, Flekke og Guddalen. Det var vanleg i mellomkrigstida at passasjerar vart frakta på lasteplanet på vanlege lastebilar.
Billaget hadde også rute sørover til Skor over Den trondhjemske Postvei. Den gamle postvegen var framleis så dårleg - særleg ved Skor-Solås der den gjekk over glatte svaberg – at det er lite truleg at dei første lastebilane våga seg over mot Leirvik med større last. Difor vart Skor endepunktet på ruta. Loneland og Tuland Billag vart avvikla i 1938.
- Sjå elles under Næring - artikkelen: Første lastebilen i Fjaler.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014.
I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og Fjordane. Dette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til den nye eigaren.
Les meir om overtakinga av Fylkesleksikon for Sogn og Fjordane.
Sist oppdatert: 08.10.2010