Hopp til innhold
X
Innhald

Måløybrua

Måløybrua var lengste brua i landet då den vart opna i 1974. Foto: Ottar Starheim, NRK.

Måløybrua var lengste brua i landet då den vart opna i 1974. Foto: Ottar Starheim, NRK.

Måløybrua vart opna 1974 av Kong Olav V, men vart uoffisielt teken i bruk like før jul i 1973. Brua var til den tid Noregs lengste, med 34 spenn og total lengde på 1.224 meter, og var det andre bompengefinansierte vegprosjektet i Sogn og Fjordane etter Loftesnesbrua i Sogndal.

Tidlegare ordførar i Nord-Vågsøy og fylkesordførar Leif Iversen la som leiar i bruselskapet ned eit stort arbeid i prosjektet.

Lang strid om brua

Før bygginga starta, hadde vågsøyværingane hatt ein årelang strid om fastlandssambandet for Måløy skulle løysast med tunnel under, eller bru over Måløy-straumen. Striden førde m.a. til at brutilhengarane stilte eiga «bruliste», og fekk inn representantar i kommunestyret (sjå Kommunehistoria i Vågsøy).

Måløybrua blir stengd ved sterk vind. Brua er bygt for å tole vind på opptil 75 m/sek.Foto: Asgeir Reksnes, NRK.

Måløybrua blir stengd ved sterk vind. Brua er bygt for å tole vind på opptil 75 m/sek.Foto: Asgeir Reksnes, NRK.

Bompengesuksess

Som bompengeprosjekt vart Måløybrua ein suksess: Den vart nedbetalt langt tidlegare enn ein hadde rekna med. Overskotet etter bompengeselskapet vart i 2003 nytta til å gje ut boka «Måløy – Brua og byen» av Ottar Starheim og Terje Sølvberg, og overskotet av boksalet – omlag 400.000 kroner – vart gjeve til den lokale Frelsesarméen i Måløy.

Sjå elles artikkelen Riksveg 15 Måløy-Nordfjordeid.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 24.04.2013