Hopp til innhold
X
Innhald

Posten i Vågsøy

Agnar Håvik på veg med posten til Kvalheim. Foto: Ottar Starheim, NRK.

Agnar Håvik på veg med posten til Kvalheim. Foto: Ottar Starheim, NRK.

Det er særleg Moldøen og Bryggja som har vore dei sentrale stadane i posttenesta i Vågsøy kommune frå gamalt av.

Dei eldste postrutene om Bryggja

I eldre tider vart den kongelege posten ført med eigne rorskarar og seglskuter langs kysten.

Bryggja

- sjå Dei eldste postrutene om Bryggja.

Posten avgjorde bynamnet Måløy

Kremmarleiet på Moldøen fekk først status som fast poststad med eige kontor i 1852.

Moldøen

– sjå Posten avgjorde bynamnet Måløy.

Osmundvåg

fekk postopneri i 1877 med landhandlar Christian Bonny Uchermann Wiese som første styrar. På poststempelet stod det Osmundsvaag. I 1892 vart dette postopneriet flytta til dampskipskaia i Sandvik og fekk samstundes endra namnet til Barmsund. Dette postopneriet vart lagt ned i 1970. Same året som postopneriet vart flytta til Barmsund - i 1892 - fekk Osmundsvåg halde fram som brevhus. Poststempelet vart endra til Osmundsvåg i 1917. I 1927 vart brevhuset lagt ned, men nyskipa att i 1935 med poststempel Åsmundvåg. Det var i drift til 1966.

Åsmundvåg

– sjå Osmundsvåg.

Postkontoret på Raudeberg var i mange år i Berg-huset. Foto: Ottar Starheim, NRK.

Postkontoret på Raudeberg var i mange år i Berg-huset. Foto: Ottar Starheim, NRK.

Raudeberg

fekk postopneri i 1884 med dampskipsekspeditør Iver Jensen Rødberg som første styrar. Postadressa var Rødberg fram til 1891 då den vart endra til Raudeberg. Postkontoret vart underpostkontor i 1973 og postkontor C i 1977.

Rødberg

– sjå Raudeberg.

Almenning

fekk postopneri i 1888 med gardbrukar Axel O. Almenning som første styrar. I 1921 overtok handelsmann og dampskipsekspeditør Sakarias Dybedal som poststyrar. I 1890 vart adressa endra til Almenningen. Kontoret vart lagt ned i 1993.

Almenningen

- sjå Almenning.

Vågsvåg

fekk eit såkalla ”fiskepostopneri” i 1890 – d.v.s. at postopneriet berre var i verksemd i fiskesesongen om vinteren. I desse åra var det sakførar H. Friis og handelsmann Rasmus D. Halvorsen (sjå denne – Eid kommune) som stod oppførde som poststyrarar. Denne ordninga med sesongope postkontor veit ein var i sving i åra frå 1890 til 1896. Same ordninga er også omtala i året 1901. Vaagsvaagen postopneri vart først skipa med heilårs verksemd i 1902, og då var det sonen til Rasmus D. Halvorsen, Karl Halvorsen, som vart styrar. Han tok i 1919 over faren sin handel og kaiekspedisjon på Stårheim. Systera, Hanna Inselseth, vart då poststyrar i Vågsvåg. I 1917 vart adressa endra til Vågsvågen, og i 1921 til Vågsvåg. Kontoret vart underpostkontor i 1973, postkontor C i 1977 og nedlagt i 1993.

Vaagsvaagen

– sjå Vågsvåg.

Halsøyr. Foto: Ottar Starheim, NRK.

Halsøyr. Foto: Ottar Starheim, NRK.

Halsøyr

fekk brevhus i 1931. I 1933 vart postadressa endra til «Halsøyra». Brevhuset vart lagt ned i 1950.

Halsøyra

– sjå Halsøyr.

Vedvik

fekk brevhus i 1931. I 1933 vart postadressa endra til «Vedevik», og det vart lagt ned og innordna under Raudeberg i 1950.

Vedevik

– sjå Vedvik.

Refvik. Foto: Ottar Starheim, NRK.

Refvik. Foto: Ottar Starheim, NRK.

Refvik

fekk brevhus i 1931 med poststempel «Revika». I 1933 vart dette endra til «Revikja». Det vart lagt ned i 1950.

Revika

– sjå Refvik.

Revikja

– sjå Refvik.

Silda

fekk postopneri i 1931 med gardbrukar Mons Silden som første styrar. I 1973 vart det underpostkontor, i 1977 postkontor C, og det vart lagt ned i 1997. På øya Silda eksisterte det også ei slags postomdelingsordning i fiskesesongen om vintrane frå ca. 1895. Rasmus M. Johannessen var styrar for denne ordninga fram til den vart lagt ned i 1912.

Husevåg

fekk postopneri i 1935 med lærar Sigurd Husevåg som første styrar. Postopneriet vart underpostkontor i 1973, postkontor C i 1977, og det vart lagt ned i 1997.

Holvik. Foto: Ottar Starheim, NRK.

Holvik. Foto: Ottar Starheim, NRK.

Holvik

fekk brevhus i 1948 med poststempel «Ytre Holevik». Det vart lagt ned i 1964.

Ytre Holvik

- sjå Holvik.

Kråkenesbygda

fekk brevhus i 1949 med Kristian Kråkenes som styrar. I 1984 vart det omgjort til postkontor C, og det vart lagt ned i 1989.

Posten på Kvalheim heldt til i landhandelen til Hans Myre. Foto: Ottar Starheim, NRK.

Posten på Kvalheim heldt til i landhandelen til Hans Myre. Foto: Ottar Starheim, NRK.

Kvalheim

fekk postopneri i 1952 med telefonstyrar Hans Myre som styrar. I 1973 vart det underpostkontor, og i 1974 vart det lagt ned.

Deknepollen

fekk postopneri i 1957 med Jenny Olsen som første styrar. Ho var også landpostbod på fastlandssida. I 1973 vart Deknepollen underpostkontor, i 1977 postkontor C, og det vart lagt ned i 1998.

Angelshaug

fekk brevhus i 1961. Det vart lagt ned i 1982.

Gangsøy

fekk brevhus i 1965. Det vart lagt ned i 1987.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 19.04.2010