Hopp til innhold
X
Innhald

Redningsskøyta

Redningsskøytene R.S. Platou og Det Norske Veritas ved kai i Måløy. Foto: Ottar Starheim, NRK.

Redningsskøytene R.S. Platou og Det Norske Veritas ved kai i Måløy. Foto: Ottar Starheim, NRK.

Stasjonen i Måløy kom ein gong i åra 1910–1914. I 1938 fekk basen i Måløy tildelt den første motordrivne redningsskøyta til NSSR: «Andreas Aarø», som også hadde moderne, lukka rorhus i staden for den opne rorbrønnen som seglskøytene var utstyrte med.

Lokal innsamlingsaksjon

Stasjonen i Måløy fekk heilårsbemanning frå 1975 med redningskryssaren ”Bergen Kreds, og fekk i 1987 ein hurtiggåande redningsbåt i tillegg til redningskryssaren. Etter ein lokal innsamlingsaksjon som gav 800.000 kroner, vart den hurtiggåande mobbåten «Stadt» kjøpt inn til stasjonen i Måløy i 1988.

Redningskryssar på Shetland

I samband med dei store Måløy-dominerte fiskeria etter pigghå, lange og brosme kring Shetland på 1960- og 1970-talet, plasserte NSSR i åra frå 1965 til 1977 ein redningsskryssar i Lerwick.

Magne Sætren

I nær på 30 år var Magne Sætren skipper på redningskryssarane som var stasjonerte i Måløy og i Lerwick. I 2005 kom boka «Magne på Statten» (forfattar Helge Gloppen på eige forlag), der Sætren m.a. fortel om uver og utrulege redningsdådar på Stadhavet og i Nordsjøen.

R.S. Platou på oppdrag. Det er hurtigruteskipet Nordstjernen som treng drahjelp. Foto: Torbjørn Fardal, NRK.

R.S. Platou på oppdrag. Det er hurtigruteskipet Nordstjernen som treng drahjelp. Foto: Torbjørn Fardal, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 16.04.2010