Hopp til innhold
X
Innhald

Skyss-skaffar og vrakvaktar i Berle

Berlepollen. Foto: Ottar Starheim, NRK.

Berlepollen. Foto: Ottar Starheim, NRK.

Tidleg på 1600-talet er det opplyst at ein mann som budde i Berle og heitte Elling (fødd 1594), livnærte seg som skysskaffar, gjestgjevar og strandfut.
Tittelen strandfut hadde han fordi han var tilsett for å føre tilsyn med forliste skip for å hindre at dei ikkje vart plyndra for vrakgods. Slike strandfutar var plasserte på strategiske stader langs heile norskekysten – m.a. ved Måløysundet (sjå Vågsøy kommune: Vrakvaktar stasjonert ved Måløysundet.) Elling i Berle var som nemnt også skysskaffar og gjestgjevar. Om Berle dermed var fast skyss-skifte, eller om det var samarbeid med skyss-skiftet i Smørhamn ikkje så langt unna, er uvisst. ”Skaffaren” var den personen som hadde oppgåva å skaffe nok rorskarar når ”Kongens menn” eller geistlege og deira familiar var på sjøreise langs kysten eller i fjordane. Ei liknande pliktordning for fri skyssing av øvrigheita fanst for hest og kusk når reisa gjekk over land.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 30.04.2010