Hopp til innhold
X
Innhald

Skysstasjonar og rorsplikt

Båtskyss på Førdefjorden ved Vevring. Teikning av O. Wald.

Båtskyss på Førdefjorden ved Vevring. Teikning av O. Wald.

Heilt frå den offentlege skyssordninga vart innført på 1600-talet var det skysstasjonar i Førde, Naustdal og Tingneset i Vevring. Heilt fram til Den tromdhjenmske Postvei vart bygd gjennom fylket kring 1800 vart dei fleste offentlege tenestemenn som hadde ærend i sunnfjordbygdene skyssa til og frå med båt og rorskarar.

Bøndene hadde plikt til å stille som rorskarar når Kongens menn og geistlege skulle fram, og skysskaffaren på skysstasjonen hadde til oppgåve å stille eit høveleg rorslag. Den første skysskaffaren i Vevring var Nils Apneset, kring 1660, og Anders Person var den første i Naustdal.

Vestover frå Vevring var næraste skysstasjonane Sauesund på Atløy (sjå Askvoll kommune) og Hellevik ved Stavang (sjå Flora kommune). Både i Naustdal og Vevring var det gjestgiveri der ferdafolket kunne ta inn.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 17.12.2009