Stiftsstøtta på Filefjell
Stiftsstøtta på Filefjell. Foto: Magnhild Aspevik.
På Filefjellet gjekk den nye Kongevegen frå Maristova opp den stupbratte «Jakobstigen», og deretter i himmelsynet på sørsida av sjølve dalføret. På stiftsgrensa her oppe reiste generalvegmeister C. J. Hammer ei diger minnestøtte i marmor. Den vart kjøpt i Danmark, frakta med båt til Lærdal og køyrd til fjells med spesialvogn.
Støtta åleine drog av garde med ein stor del av vegbudsjettet. Denne «stiftsstøtta» står ved Kongevegen den dag i dag, men var ei tid flytta til noverande veg i dalbotnen.
Kongeleg himmelseng
På Maristuen vart det bygt ny fjellstove. Her innreidde Hammer ein eigen «Kongesuite» med himmelseng. Rommet står framleis slik det gjorde i den gongen.
Mellom Kyrkjevoll ved Borgund stavkyrkje og Husum vart vegen lagd over Vindhella, og elles fylgde den nordsida av Lærdalselvi. Både militære og lokale bønder vart brukte til vedlikehald av vegen.
Les meir om:
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014.
I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og Fjordane. Dette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til den nye eigaren.
Les meir om overtakinga av Fylkesleksikon for Sogn og Fjordane.
Sist oppdatert: 10.05.2011