Naustdal fekk telefon i 1893. Dette biletet er av eit brurefylgje med to spelemenn i spissen, truleg ein gong rundt første verdskrig. På bryllaupsdagar var det travelt for dei som arbeidde på telefonen/telegrafen, for festtelegram var ein vanleg måte å helse til brureparet på. Foto: Olai Fauske. Eigar: Sunnfjord Muséum/Fylkesarkivet i Sogn og Fjordane.

Naustdal

fekk telefon i 1893 i regi av det private telefonselskapet "Sønd og Nordfjords Telefonselskab/Sønd og Nordfjords Aktietelefonselskab". Selskapet fekk konsesjon første gong i 1892. Dei private sentralane vart nedlagde då abonnentane vart knytte til rikstelefonnettet kring 1906. Det var m.a. tilfellet i Naustdal som fekk rikstelefon i 1905. Telefonstasjonen heldt til i forretningsbygget til Olai Horstad. Naustdal fekk automattelefon i 1977. Fram gjennom åra har stasjonen i Naustdal både heitt Naustdal i Søndfjord, berre ”Nøstdal”, og Naustdal Sunnfjord.

Hove i Søndfjord

heitte stasjonen på Hove då den vart opna som privatstasjon i 1893. Den fekk seinare adressa Hove i Sunnfjord. Den vart knytt til rikstelefonnettet i 1926. Hove stasjon vart lagd ned i 1952.

Hove i Sunnfjord

– sjå Hove i Søndfjord.

Åmot

fekk rikstelefon i 1905. Stasjonen vart lagd ned i 1961 og abonnentane knytte til Naustdal.

Vevring

fekk rikstelefon i 1914. Stasjonen vart automatisert i 1967.

Kvellestad

fekk rikstelefon i 1908. Stasjonen vart automatisert i 1967.

Redalsgrend

fekk rikstelefon i 1923. Stasjonen vart automatisert i 1967.

Gryta

fekk rikstelefon i 1923. Stasjonen vart automatisert i 1967.

Folk på Helle fekk telefon i 1925. Foto: Kjell Arvid Stølen, NRK.

Helle

fekk rikstelefon i 1925. Stasjonen vart automatisert i 1972.

Frammarsvik

fekk rikstelefon i 1925. Den lokale telefonstasjonen vart automatisert i 1961 og abonnentane knytte til Naustdal.

Kalland

fekk rikstelefon med stasjon på Fauske i 1931. Stasjonen vart lagd ned i 1962.

Fimlandsgrend

fekk rikstelefon i 1931. Stasjonen vart automatisert i 1958.

Nes

fekk rikstelefon i 1931. Stasjonen vart lagd ned i i 1946 og abonnentane knytte til Fimlandsgrend stasjon.

Fimlandsgrend, der dei måtte vente til 1931 før dei fekk telefon. Foto: Kjell Arvid Stølen, NRK.