Dette biletet vart teke i samband med utbygginga av telefon på Grodås i 1893. Arbeidarane sette opp ein enorm stein til minne om det store framsteget. Mannen med hatt og kvitt skjegg sitjande i midten er Hans J. Holmøy. Til høgre for han sonen Ola M. H. Holmøy, som var ei drivande kraft for å få bygt ut telefonnettet. Foto: Anders B. Grodaas.

Minnesteinen frå 1893 er vekk, men i 1993, etter 100 år med telefon i Hornindal, vart ein kopi sett opp på same staden. Foto: Ottar Starheim, NRK

Alle stadane nedanfor hadde i si tid eigne telefonstasjonar - først med innlagt privattelefon.

Før det statseigde Telegrafverket løyste inn det private telefonnettet i Hornindal i 1909, var det det private «Sønd og Nordfjords Telefonselskab / Sønd og Nordfjords Aktietelefonselskab» som bygde og dreiv telefonnettet. Selskapet fekk konsesjon førstegong i 1892.

Grodås

fekk privattelefonstasjon i 1893 og rikstelefonsamband frå 1909.

Haugen

i indre Hornindal fekk privattelefon i 1893 og rikstelefon i 1909.

Kjøs

fekk privattelefon i 1893 og rikstelefon i 1909.

Maurset

fekk privattelefon i 1893 og rikstelefon i 1909.

Lødemel

fekk privattelefon i 1893 og rikstelefon i 1909.

Tomasgard

fekk privattelefon i 1893 og går ut av stasjonslista i 1909.

Telefonen i heile Hornindal

vart automatisert i 1980.

Den 23. april 1980 vart telefonstasjonen på Grodås lagd ned. Bak frå venstre Laura Navelsaker og Anne Marie Grothaug. Framme frå venstre stasjonshaldar Solveig Lødøen og Aslaug Solvik. Foto frå Historisk årsskrift, Hornindal Historielag.